یارانمئش بیر تک آهویم بیابانلار مکانئمدور
بو دونیادان دویان کؤنلوم ، عجب خسته بو جانئمدور
نه سندن بیر وفا گؤردوم نه اؤز بختیمنن ای سئوگیل!
گواه لعل گفتاریم ، دییه م ، سوز نهانئمدور
دؤنوب قانه گئدننن سن بو آغلار گؤزلرین یاشی
تحمّل ائیلرم اولسون کی شاید امتحانئمدور
سنیدون تک جه اوممیدیم ، مرادیم ای جفا پیشه!
کنون گرداب عشقونده باتان ، بخت جوانئمدور
سنی سئومیشدیم اوّلدن منیم نا مهربان یاریم!
بوکولموش قامتیم ، قدّیم او گونلردن نشانئمدور
آلایدون جانیمی جانا ! شکایت ائتمزیدیم من
یازام دونیا بویو آزدئ ، گئنه قاصر زبانئمدور
گئدیبسن چوخلو مدّت دیر کناریمدن کمان ابرو !
دئییر یونس سنون قلبون گئنه خوش آشیانئمدور
یونس کریمی
، ,بو ,تک ,بیر ,یونس ,یارانمئش ,یارانمئش بیر ,بیابانلار مکانئمدور ,آهویم بیابانلار ,بیر تک ,تک آهویم ,آهویم بیابانلار مکانئمدور
درباره این سایت