دویمورام هر نه قدر گؤزلریوه گؤز تیكیرم
نئیله ییم كی باخیشیندان عشق جامین ایچیرم
سنله هر یئرده وارام ایسته میرم هئچ كسی من
آخی سن سن منه هامّی ، منه حامی سن سن
گؤزلرین دونیا منه ، هر نفسین صون نفسیم
منی تك قویما گینان ای منه سن هامّی كسیم
تكجه قورخوم بودوكی عاشیقیوی تك قویاسان
نئیله ییم بیر گون اگر سن عاشیقیندن دویاسان
ایسته رم همیشه منله اولاسان، آتما منی
حیرانام سندن اوتور ، اؤزگه لره قاتما منی
منه ,منی ,، ,هامّی ,دویمورام ,ایسته ,گؤز تیكیرم ,دویمورام هر ,سن سن ,گؤزلریوه گؤز ,نئیله ییم
درباره این سایت