راضییام، سئوگیلیم، هرگون منه مین ناز ائده سن
اؤزگه لر تک منی ده لطفیله دمساز ائده سن
مئیلیم آرتیر سنه جؤرون منه اولدوقجا فزون
قورخورام، جؤرونو لطف ایله منه آز ائده سن
اؤتمه کهلیک کیمی مین نازایله، الوان گئیینیب
بیزیم اطرافدا، اولماز می کی، پرواز ائده سن؟
بیر اؤزون فیکر ائله، انصاف، دئییلدیر، گؤزه لیم
گیزلی اؤز سیرّیمیزه اوزگه نی همراز ائده سن
گولمه سینلر بیزه بیگانه لر، آغلاتما منی
ییخدیغین عاشیقی اولمزمی سرافراز ائده سن؟
واحد، ایسترسن ا گر عشقده، مشهور اولاسان
سن گر ک آه ایله مجنون دئییب آواز ائده سن!
#علی_آقا_واحد
ائده ,منه ,مین ,ایله ,سن؟ ,گر ,ائده سن ,ائده سن؟ ,راضییام، سئوگیلیم، ,مین ناز ,ناز ائده ,راضییام، سئوگیلیم، هرگون
درباره این سایت