چاره سیز خسته لرین ، دردینه درمان آنادی
دفتر عشق و وفا ، مشقینه پایان آنادی
سینه سی دشت بلا ، آتش بحراندا یانیر
سارالان یاز گولی تک ، تشنه ی باران آنادی
هر بلا درده دؤزر ، شرط محبتده اوزی
گر مصیبت داغ اولا ، صبریده طوفان آنادی
عشق پروانه سی تک ، شمع ائولاده گئنه
یاندیران بال و پرین ، عاشق گریان آنادی
آی دئسون اوخشاری وار ، اولدوزا چوخ بنزری وار
گونی خجلتده قویان ، دُرّ درخشان آنادی
اوکی هر صبحه کیمی ، یاتمادی غمنن گئجه لر
سنه لای لای اوخویان ، بلبل نالان آنادی
تمام آنالار
تقدیم به مادران خوب سرزمینم
، ,آنادی ,بلا ,سی ,لای ,تک ,تک ، ,گونی خجلتده ,خجلتده قویان ,وار گونی ,بنزری وار
درباره این سایت