دؤیماز گؤزوم بو ائلدن
یارپاق اولوب تورپاغینا توکولسم
تورپاق اولوب سئل‌لرین له سوکولسم
سئل- سئل اولوب دریا‌لارا توکولسم
دویماز گؤزوم ، دویماز یئنه بو ائلدن
قایا کیمی شیمشک‌لره دؤزوم مو ؟
شیمشک اولسام ، آز عؤموردن بئزیم می ؟
عؤمور کئچیب ، کئچیب اگسه دیزیمی
دویماز گؤزوم ، دویماز یئنه بو ائلدن
ساحیل اولوب دالغا‌لارلا اووولسام
دالغا اولوب کولک‌لرله قووولسام
کولک اولوب سما‌لارا سورولسام
دویماز گؤزوم ، دویماز یئنه بو ائلدن
چئشمه کیمی دامجی- دامجی سوزولسم
دامجیلانیب چیچک‌لره دوزولسم
چیچک اولوب واخت‌لی ، واخت‌سیز اوزولسم
دویماز گؤزوم ، دویماز یئنه بو ائلدن
اوستاد ، موسا یعقوب
، ,دویماز ,اولوب ,بو ,گؤزوم ,ائلدن ,بو ائلدن ,گؤزوم ، ,دویماز یئنه ,دویماز گؤزوم ,یئنه بو
درباره این سایت